Euskal Herrian Euskaraz taldeak inauguratu du Arrasaten euskaltzaleek izango duten topaleku berria, Jai Zale taberna. Jendez lepo zegoen taberna, edatekoekin eta jatekoekin gozatzen. Euriak –barra-barra bota du– desitxuratu egin du apur bat ekitaldia, baina Txorbela otxoteak, aterpean jarrita, poteo unea girotu du. Taberna hutsetik haratago, baina, Jai Zale berria Arrasateko \"euskararen gune erreferente\" bihurtu gura dute. Gorripidea elkartea izango da tabernaren jabea, baina euskararen aldeko taldeak kudeatuko du. Herriko \"euskararen gune erreferente\" bihurtu gura dute: \"Ez dugu poteorako eta parrandarako gune soil bat nahi baina, euskalgintzari proiektuak gauzatzeko txoko bat nahi dugu, aniztasunetik eta euskaratik eraikia\", diote.